Hvalaskoðun á Íslandi - Tilboð Láki Tours

Láki Tours býður upp á ferðir frá þremur stöðum á landinu; frá Ólafsvík, Grundarfirði og Hólmavík. Við virðum dýrin með því að nálgast þau varlega og rólega og reynum okkar allra besta að trufla þau sem minnst í sínu náttúrulega umhverfi. Ferðirnar okkar eru í senn skemmtilegar og fræðandi fyrir unga jafnt sem aldna.

Hvalaskoðun frá Ólafsvík

Hvalaskoðun frá Ólafsvík

Í þessari einstöku ferð er farið út á haf í leit að hvölum með Snæfellsjökulinn í bakgrunni. Hvergi á landinu eru meiri líkur á að sjá tannhvali svo sem háhyrninga, búrhvali og grindhvali heldur en við strendur Snæfellsness. Oft fáum við einnig að sjá hnúfubaka, höfrunga og hrefnur og því óhætt að segja að Snæfellsnesið sé sannkallaður fjársjóður fyrir hvalaunnendur.

Lengd: ca. 3 klst

Tímabil: 1. mars – 31. október

Loading...
Hvalaskoðun frá Hólmavík_Hvalaskoðun á Íslandi

Hvalaskoðun frá Hólmavík

Hvalaskoðun í kyrrðinni á Vestfjörðum er engri lík. Steingrímsfjörðurinn iðar ekki bara af lífi heldur er hann einstaklega veðursæll og því afar notalegt að sigla hann. Tilvalin ferð fyrir fjölskyldur eða þá sem eiga það til að verða sjóveikir.

Lengd: ca. 2 klst

Tímabil: 1. júlí – 15. september

Loading...
Hvalaskoðun frá Grundarfirði

Hvalaskoðun frá Grundarfirði

Grundarfjörður er besti staður landsins fyrir hvalaskoðun að vetri til. Háhyrningarnir elta síldina inn í Breiðarfjörðinn og gefa okkur í leiðinni tækifæri á að bera þessar fallegu skepnur augum.

Lengd: ca. 3 klst

Tímabil: 20. desember – 6. janúar og 15. febrúar – 28. febrúar

Loading...
Puffin tour Grundafjordur

Lundaferð frá Grundarfirði

Farið er að Melrakkaey þar sem hundruðir lunda hafa sest að til að verpa. Melrakkaey er friðuð eyja og því griðarstaður ótal sjófugla. Við siglum nálægt eyjunni og fáum þannig einstakt tækifæri til að skoða og ljósmynda fuglana. Í leiðinni gefst tækifæri á að sjá hið víðfræga Kirkjufell frá sjónarhorni hafsins. Stutt og laggóð ferð fyrir þá sem hafa áhuga á náttúru, fuglalífi eða vilja einfaldlega brydda upp á daginn með fersku sjávarlofti.

Lengd: ca 1 klst

Tímabil: 1. júlí – 15. ágúst

Loading...
sea angling grundarfjordur

Stangveiði- og fulgaskoðun

Ævintýraleg skemmtiferð í Breiðafirði þar sem farið er frá Grundarfirði á gömlum eikarbáti. Fyrst siglum við að Melrakkaey sem iðar af fuglalífi en eyjan er friðuð. Því næst höldum við aðeins lengra út á haf og rennum fyrir fisk og er velkomið að taka fiskinn með heim! Frábær skemmtun fyrir unga sem aldna og tilvalið fyrir hópa eða fjölskyldur.

Lengd: ca 2 klst

Tímabil: 2. júlí – 29. ágúst

Loading...